![](\"http://img.uz/d/2017/08/59a13185203d3.jpg\")
Алдын хабарлағанымыздай, 25-август күни Ташкент қаласындағы «Истиқлол» көркем өнер сарайында быйылғы жылдағы «Ниҳол» мәмлекетлик сыйлығының жеңимпазларын сыйлықлаў салтанаты болып өтти. Онда қарақалпақстанлы 2 жас талант ийеси – жыраў Саламат Аяпов ҳәм опера қосықшысы Ақылбек Пиязовлар лауреат болған еди.
Саламат Аяпов Фейсбук тармағындағы өз бетинде сыйлық статуэткасы ҳәм сертификаты менен түскен сүўретин жәриялады. Сүўретке қосымша: «Неше жылдан берли күтип жүрген нийетим бүгин әмелге асты. Алланың нәзери менен бүгин «Ниҳол» сыйлығын алыў бахтына миясар болдым. Маған жан күйдирип атырған барлық инсанларға өз рахметимди айтаман», - деп жазып қалдырған.
Қарақалпақ жыраўлар мектебиниң даўамшысы Саламат Аяповтың табыслары қутлы болсын!
Ислам Матеков.
