![](\"http://img.uz/d/2017/08/59a824a373b21.jpg\")
Нөкис дийқан базары жанындағы жол асты жолынан (туннел) өтерде бир қанша баннерлердиң рекламалары илдириўли турғанлығын көриў мүмкин. Бул жерден дерлик ҳәр күни өтемиз. Бул орындағы баннерлердиң биринде «Ғәрезсизлигимизге 23 жыл» жазыўы жазылған. Бирақ, усы жылы Өзбекистан Республикасының ғәрезсизликке ерискенине 26 жыл толды. Бул баннерди буннан бир-еки ҳәпте илгери фейсбук социаллық тармағының белсенди ағзалары сынға алған еди. Бирақ, бул пикирлерге ҳеш ким қулақ түрмей атырғандай. Негизинде, бул орынға ҳәм бул жерге жайластырылатуғын баннерлерге ким жуўапкер? Ўақты питкен баннерлерди алып таслап, оның орнына жаңаларын қойыў, заман менен, тийкарғысы ЖЫЛЛАР менен тең қәдем атыў зәрүр.
![](\"http://img.uz/d/2017/08/59a824c4a8d69.jpg\")
Сахибжамал Есемуратова
Фото: Парахат Әжимуратов, журналистика бағдарының 2-курс студенти
