Нөкис қаласындағы И.В.Савицкий атындағы Қарақалпақ мәмлекетлик көркем өнер музейи директоры лаўазымына халықаралық таңлаў жәрияланды.
Бул лаўазымға талапкер болған талабанға қойылатуғын тийкарғы талаплар көркем өнер тарийхы, музей жумысы, археология ҳәм антропология ямаса басқа тийисли тараўдағы илимий дәреже, музей, галерея ямаса басқа мәденият мәкемелеринде кеминде 4 жыл басшылық лаўазымларында мийнет еткен болыўы, инглис тилин еркин дәрежеде билиўден ибарат.
Талабанлар усы жылдың 25-апрелине шекем резюмелерин Мәденият ҳәм көркем өнерди раўажландырыў қорына жибериўи мүмкин. Дәслепки басқыштан өткен талабанлар 13-майға шекем бул ҳаққында хабардар етиледи. Жүзбе-жүз сәўбетлесиўлер Нөкис қаласында 20-майдан баслап бир ҳәпте даўамында өткериледи.
Таңлаў жеңимпазы 2019-жыл 1-июнь күни жәрияланады. Жеңимпаз бенен үш жыллық шәртнама дүзиледи.
Ислам Матеков.
Сайтымыздың телеграмдағы каналына ағза болың: https://t.me/karinformuz
