5-март күни Әлийшер Наўайы атындағы Мәмлекетлик академиялық үлкен театрында «Ўзбегим аёли» миллий сыйлығы салтанатлы түрде тапсырылды, деп хабар берди «Халқ сўзи».
«Миллий» телеканалы тәрепинен шөлкемлестирилген әнжуманға әдебият, көркем өнер, илим, мәденият ҳәм басқа да тараўларда көп жыллардан берли нәтийжели мийнет етип киятырған ҳаял-қызлар, дөретиўшилер мирәт етилди. Илажда 17 ҳаял-қыз «Ең мәрт ҳаял», «Сабырлы ҳаял», «Гүресиўшең ҳаял», «Меҳрийбан ҳаял», «Зейинли ҳаял», «Ғамхор ҳаял» сыяқлы бир неше номинациялар бойынша сыйлықланды. Оларжың арасында Қарақалпақстан Республикасынан «Өзбекстан темир жоллары» АЖ «Қоңырат аймақлық темир жол узели» унитар кәрханасының үлкен нарядчиги Зоя Избасарова «Пидайы ҳаял» номинациясының жеңимпазы деп табылды.
Жеңимпазларға статуэтка, қамбатбаҳалы саўғалар ҳәм пул сыйлығы жазылған ваучерлар тапсырылды.
Сахибжамал Есемуратова
