Фейсбук социаллық тармағында Өзбекистан Миллий университети социология бағдары ушын қабыллаған тест нәтийжелерин бийкарлаў бойынша Бас министр тәрепинен «тастыйқланған» буйрық жедел түрде тарқалды. Бул қағазға муўапық, Өзбекистан Миллий университетиниң социология бағдарына тест тапсырған абитуриентлердиң оқыўы бийкарланыўы ҳәм 3-октябрь сәнесинде және қабыллаў тестин өткериў кереклиги туўралы айтып өтилген. Бас министрдиң қолы қойылған ҳәм мөри басылған бул қағаз кескин пикир-таласларға себеп болмақта. Айырым пайдаланыўшылар бул қағаздың жалған екенлиги туўралы пикирлерди билдирип, дәлийллеўге тырыспақта.
Бул жасалма ҳүжжет, Жоқары ҳәм орта арнаўлы билимлендириў министрлиги мәмлекетлик тест орайына бундай буйрық бериўге ҳақысы жоқ екенлиги айтып өтилген. Сондай-ақ, адамлардың бундай жасалма хатларды ислеўге кеткен ўақытлары пайдалы нәрселерге жумсағанда, елимиз буннан да раўажанған болар еди, деген пикирлер билдирилген.
Сахибжамал Есемуратова
