Өзбекстан-Қазақстан шегарасында күшли жер силкиниўи жүз берди

14-март күни Ташкент ўақты менен саат 02:33 те Өзбекстан-Қазақстан шегарасында күшли жер силкиниўи жүз берди.
Европа ҳәм Жер орта теңизи сейсмостанциясының мағлыўматларына қарағанда, жер силкиниўиниң эпицентри Қазақстан аймағында, Ташкент қаласынан 29 км шығыста ҳәм 30 км тереңликте жайласқан, жер силкиниўиниң күши 4,7 баллды қураған.
Өзбекстан Айырықша жағдайлар министрлигиниң хабар бериўинше, Ташкент қаласында жер силкиниўиниң күши 4 баллға, Гүлистан ҳәм Жиззақта 2 баллға тең болды.
Өзбекстанның басқа қалаларында сейсмологиялық активлик бақланбаған. Имаратлардың ўайран болыўы ҳәм жәбирлениўшилер ҳаққында мағлыўмат келип түспеген.

Ислам Матеков.

Сайтымыздың телеграмдағы каналына ағза болың: https://t.me/karinformuz