Өзбекстан Республикасы Президентиниң «Жаслардың руўхый-әдепли ҳәм физикалық кәмил инсан етип тәрбиялаў, оларға тәлим-тәрбия бериў системасын сапа жағынан жаңа басқышқа көтериў ис-илажлары ҳаққында»ғы 2018-жыл 14-августтағы ПҚ-3907-санлы қарарының 7-бәнтинде, билимлендириў орынларында жумыс ислеп атырған педагог хызметкерлердиң мийнетлерин мүнәсип баҳалаў мақсетинде аймақлық, республикалық ҳәм халық аралық пән олимпиадаларында сыйлы орынларды қолға киргизген оқыўшыларды таярлаған улыўма билим бериў мектеплери педагог кадрларын ең кем айлық ис ҳақының 5 есесинен 50 есесине шекемги муғдарда бир мәртелик пул сыйлығы менен сыйлықлаў тәртиби бойынша Министрлер Кабинетине усыныс киргизиў белгиленген.
Усы күнлерде Министрлик тәрепинен тийисли министрлик ҳәм шөлкемлер менен келисилген ҳалда қарардың жобасы таярланып, көрип шығыў ушын Ҳүкиметке киргизилген.
Белгиленген тәртипте тастыйықланғаннан соң ғалаба хабар қураллары арқалы жәрияланады, деп хабар бермекте Телеграмдағы таълим/образование каналы.
Сахибжамал Есемуратова
