Кимлерге қәўипсизлик қайысын тақпаўға руқсат етилген?

Төмендеги шахсларға қәўипсизлик қайысын тақпаўға руқсат берилетуғынлығы ҳаққында жазады t.me/huquqiyaxborot талаграм каналы:
Автомобильдиң арқа тәрепиндеги 12 жасқа шекемги балаларға;
Транспорт қуралын оқыўшы басқарып баратырған болса автомототранспорт қуралын ямаса қалалық электр транспортын басқарыўды үйретиўши әмелий шынығыўлар инструкторына;
Ҳәмиледар ҳаяллар, ден-саўлығы қәўипсизлик қайысын тағыў имканиятын бермейтуғын кесел жолаўшыларға;
Арқа тәрепке ҳәрекетти әмелге асырып атырған автомобиль басқарыўшыларына;
Халық жасайтуғын пунктларда ҳәрекетленип атырғанда — жөнелисли такси басқарыўшылары, таксидиң артқы орынлығындағы жолаўшылар;
Халық жасайтуғын пунктларда сыртына арнаўлы реңли графикалық сызықлар сызылған транспорт қураллары басқарыўшылары ҳәм жолаўшылары.
Буннан басқа жағдайларда қәўипсизлик қайысын тағыў инсанның өмирин сақлап қалыўға жәрдем береди.

Сахибжамал Есемуратова