Ташкент қаласында пуқаралар жыйынлары баслықлары сайлаўына таярлық көриў ҳәм оны өткериў мәселелерине арналған видеоселектор жыйналысы болып өтти. Бул ҳаққында «Халқ сўзи онлайн» хабар берди.
Пуқаралардың өзин-өзи басқарыў уйымлары жумысларын муўапықластырыў бойынша республикалық кеңеси баслығының биринши орынбасары ақсақаллар лаўазымларына усыныс етилип атырған талабанларды сайлап алыўға жәрдемлесетуғын аймақлық республикалық жумысшы топарларының жумысларын нәтийжели жолға қойыў ҳаққындағы мәлимлемени усынды.
Жыйналыста айырым ўәлаят ҳәм район, қалаларда усы күнге шекем тийисли комиссиялардың жуўаплы хаткерлери тайынланбағаны сынға алынды. Бул мәселеге Самарқанд, Сырдәрья, Қашқадәрья ўәлаятлары ҳәм Ташкент қаласында, сондай-ақ, Тўрақўрғон, Косонсой, Әмиўдәрья, Кегейли, Беруний, Нуробод, Ургут, Пахтачи районлары ҳәм Самарқанд қаласында жетерли итибар қаратылмай атырғаны атап өтилди.
Ислам Матеков.
Сайтымыздың телеграмдағы каналына ағза болың: https://t.me/karinformuz
