12-апрель – Дүнья жүзилик авиация ҳәм космонавтика күни мүнәсибети менен Әжинияз атындағы Нөкис мәмлекетлик педагогикалық институты физика-мийнет факультети физиканы оқытыў методикасы кафедрасы тәрепинен «Космосқа саяхат» атамасындағы илимий-әдебий кеше шөлкемлестирилди.
Кешеде 1961-жыл 12-апрель күни рус космонавты Юрий Гагарин адамзат тарийхында биринши мәрте космосқа пәрўаз еткени, бул сәне 1968-жылдан берли Дүнья жүзилик авиация ҳәм космонавтика күни сыпатында кең түрде белгиленип киятырғаны ҳәм ҳәзирги ўақытта бул тараўдың қай дәрежеде раўажланғаны бойынша мағлыўматлар берилип, алдағы ўақытларда Өзбекстан космонавтикасын раўажландырыў перспективалары көрсетип берилди.
Кешеде институттың «Тумарис» ансамбли ҳәм факультет студентлери атқарыўындағы концерт бағдарламасы жыйналғанлар итибарына усынылды.
Ислам Матеков.
Сайтымыздың телеграмдағы каналына ағза болың: https://t.me/karinformuz
