Кегейлиде жүз берген өртте үй бийкеси жарақат алды

Усы жылдың 18-апрель күни Кегейли районы «Мәденият» мәкан пуқаралар жыйыны Ф.Хожаев көшесинде жайласқан 11-жайда өрт жүз берди.
3 өрт өшириў бөлимшелери көрсетилген мәнзилге жетип барғанында имараттың тийкарғы төбесиниң конструкциялары өртенип атырғаны мәлим болған. Өрт өшириўшилердиң оператив ҳәрекетлери нәтийжесинде жайдың 76 квадрат метр майданы сақлап қалынған. Өрт ақыбетинде жайдың 60 квадрат метр майдандағы төбеси ҳәм үй үскенелери өртенип кеткен, сондай-ақ, 1957-жылы туўылған үй бийкеси З.А. күйиў жарақатын алып емлеўханаға жатқарылған.
Өртке электр сымларының қысқа тутасыўы себепши болған. Ҳәзирги ўақытта материаллық зыян муғдары анықланбақта.

Ислам Матеков.

Сайтымыздың телеграмдағы каналына ағза болың: https://t.me/karinformuz