Берунийде өрт жүз берди. Үйдиң келини ҳәм ақлығы күйиў жарақатын алды

Усы жылдың 18-апрель күни Беруний районы «Бирлик» мәкан пуқаралар жыйыны Н.Раҳимов көшесинде жайласқан 3/10-жайда газ ҳәм ҳаўа араласпасының шақнаўы ақыбетинде өрт келип шықты.
Ўақыя жүз берген орынға жиберилген 2 өрт өшириў бөлимшелериниң оператив ҳәрекетлери нәтийжесинде жайдың 225 квадрат метрлик майданы өрттен сақлап қалынған. Өрт ақыбетинде үйдиң банясындағы 15 квадрат метрлик майдандағы төбеси өртенип кеткен ҳәм жүзеге келген шақнаўдан үй ийесиниң 27 жаслы келини Г.А. ҳәм 12 жаслы ул ақлығы Н.Б. күйиў жарақатын алып, емлеўханаға жиберилген.
Ҳәдийсеге қолдан соғылған газ сорығышын ысытыў қазанына жалғаўдан топланып қалған газ бенен ҳаўаның араласыўынан шақнаўы себеп болған.
Ҳәзирги ўақытта материаллық зыян муғдары анықланбақта.

Ислам Матеков.

Сайтымыздың телеграмдағы каналына ағза болың: https://t.me/karinformuz