![](\"http://img.uz/d/2019/04/5cb9b3b78d8c6.jpg\")
Аўыл хожалығы тараўында мәмлекетлик басқарыў системасын жетилистириў илажлары ҳаққындағы Президент пәрманы қабыл етилди. Бул ҳаққында Әдиллик министрлигиниң «Ҳуқуқий ахборот» каналы хабар берди.
Пәрман тийкарында Аўыл хожалығы министрлигиниң тийкарғы ўазыйпалары ҳәм жумыс бағдарлары белгиленди.
Оған бола, министрлик аўыл хожалығы ҳәм азық-аўқат қәўипсизлиги тараўында бирден-бир мәмлекетлик сиясатты әмелге асырады.
Пәрманға муўапық, төмендегилер министрликке өткерилди:
- Аўыл хожалығы ҳәм азық-аўқат тәмийнаты илимий өндирислик орайы (Илимлер Академиясынан);
- Аўыл хожалығы техникасы ҳәм технологияларын сертификатлаў ҳәм сынаў орайы (Ҳүкимет ийелигинен);
- Туқымгершиликти раўажландырыў орайы (Инновациялық раўажланыў министрлигинен).
Сондай-ақ, Ташкент мәмлекетлик аграр университети ҳәм оның филиаллары да министрлик қурамына өткерилди.
Пәрманға муўапық, аўыл хожалығында агрохимиялық хызмет көрсетиў ҳәм өсимликлерди қорғаўды жетилистириў бойынша илажлар алып барылады және министрлик жанында қәнигелестирилген хызмет шөлкемлестириледи.
Сондай-ақ, 2019-2021-жыллары аўыл хожалығы өнимлерин жетистириў ушын пайдаланылмай атырған жер майданларын өзлестириў концепциясы ислеп шығылады.
Ислам Матеков.
Сайтымыздың телеграмдағы каналына ағза болың: https://t.me/karinformuz
