1939-1945-жыллардағы Екинши жер жүзилик урыста фашизм үстинен ерисилген жеңистиң 74 жыллығы мүнәсибети менен ҳәзирги ўақытта өмир сүрип атырған урыс ветеранларына бир мәртелик ақшалай сыйлық бериледи.
Kun.uz сайтының хабар бериўинше, ҳүкиметлик жыйналыста ҳәзирги ўақытта өмир сүрип атырған 878 ветеранға 7,5 миллион сумнан сыйлық берилиўи мәлим етилген.
Мағлыўмат ушын, ҳәр жылы 9-май сәнеси қарсаңында урыс ветеранларына ақшалай сыйлықлар берилип, олардың муғдары 2013-жылы 500 мың сум, 2014-жыл 600 мың сум, 2017-жыл 2 миллион сум, 2018-жыл 5 миллион сумды қураған. Урыс қатнасыўшыларының саны өткен жылы 1168 адам болған болса, быйыл олардың саны 878 ди қурамақта.
Ислам Матеков.
Сайтымыздың телеграмдағы каналына ағза болың: https://t.me/karinformuz
