Каспий мәмлекетлик технологиялар ҳәм инжиниринг университети профессоры НМПИ студентлерине сабақ өтпекте

Әжинияз атындағы Нөкис мәмлекетлик педагогикалық институты филология факультети қазақ тили ҳәм әдебияты бағдары студентлерине Қазақстан Республикасы Каспий мәмлекетлик технологиялар ҳәм инжиниринг университети профессоры, филология илимлериниң кандидаты Жоламан Қобланов сабақ өтпекте.
Қазақстанлы белгили әдебияттаныўшы илимпаз студент-жасларға «Қазақ әдебияты тарийхы», «Дүнья әдебияты» пәнлеринен 22-27-апрель күнлери аралығында лекция сабақларын өтиўи жобаластырылған.

Еслетип өтемиз, усы жылдың март айында Каспий мәмлекетлик технологиялар ҳәм инжиниринг университети ректоры Б.Ахметов институт ректоры Б.Отемуратов пенен ушырасып, илимий-педагогикалық жумысларды биргеликте алып барыў ҳәм кадрлар таярлаў мәселелери бойынша келисимге қол қойған еди.

Ислам Матеков.

Сайтымыздың телеграмдағы каналына ағза болың: https://t.me/karinformuz