Бүгин, 27-апрель күни Нөкис қаласындағы Қарақалпақ мәмлекетлик жас тамашагөйлер театрында «Тафаккур синовлари» таңлаўының Қарақалпақстан Республикалық басқышы болып өтти.
4 шәрттен ибарат болған таңлаўдың аймақлық басқышында Қарақалпақ мәмлекетлик университетиниң «Еркинлик қанатлары», Нөкис мәмлекетлик педагогикалық институтының «Ғәрезсизлик жаслары», Ташкент педиатриялық медицина институты Нөкис филиалының «Авиценна», Ташкент мәмлекетлик аграр университети Нөкис филиалының «Үмит ушқынлары», Ташкент информациялық технологиялар университети Нөкис филиалының «Татыў» командалары қатнасты.
Таңлаў жуўмақларына муўапық, 148,96 балл топлаған Нөкис мәмлекетлик педагогикалық институтының «Ғәрезсизлик жаслары» командасы 1-орынды ийелеп, таңлаўдың регионаллық басқышына жоллама алды.
Ислам Матеков.
Автордың түсирген сүўретлери.
Сайтымыздың телеграмдағы каналына ағза болың: https://t.me/karinformuz
