Ўзбекистон Республикаси Президенти Ш.М.Мирзиёев раҳбарлигида 2019 йил 19 мартда ўтказилган видеоселектор мажлисида белгиланган вазифалар ижросини таъминлаш (Ёшлар манъавиятини юксалтириш, улар ўртасида китобхонликни кенг тарғиб қилиш бўйича) мақсадида шу йилнинг 26 апрель куни Ёшлар иттифоқи Қорақалпоғистон Республикаси Кенгаши Бошланғич ташкилотлар фаолиятини мувофиқлаштириш бўлими бош мутахассиси А.Абибуллаев ва иттифоқнинг Чимбой тумани Кенгаши ходимлари, фаол ёшлар туманда жойлашган«Қизил озек» ОФЙда истиқомат қилувчи 1923 йил туғилган, уруш фахрийси Ғаниев Салий отанинг ҳолидан хабар олди ва у киши билан ёшлар дилдан суҳбат қурди. Салий ота суҳбат жараёнида 1942-1945 йиллар давомида Мурманскийда урушда қатнашгани ва пулемётчилар баталёнида хизмат қилгани ҳақида гапириб ўтди.
Отахон ҳозирда юртимиз тинчлиги ва ободлиги учун шукроналик билан яшашини, фаровон яшаш учун ҳар ким тинмай меҳнат қилишни билмоғи кераклигини айтди.
Фаол ёшлар томонидан тузилган кўнгиллилар уй атрофини ободонлаштириш ишларига яқиндан ёрдам берди.
Ёшлар томонидан кўрсатилган эътибор учун отахон ва унинг оила аъзолари ўзининг миннатдорчилигини билдириб ўтди.
Шу куннинг ўзида Ёшлар иттифоқи вакиллари «Дослиқ» МФЙда истиқомат қилувчи, 36-сонли мактабда таҳсил олаётган, ижтимоий ҳимояга муҳтож ва ногиронлиги сабабли уй шароитида таълим олаётган 6-синф ўқувчиси Жолдасбаев Суннетбайга, шунингдек «Гужимли» МФЙда истиқомат қилувчи 43-сонли мактаб ўқувчиси Базарбаев Даўлетбайларга баадий китоблар ва флипшарт доскалар совға қилди.
Берилган эътибор ва эъзоздан Суннетбай ва Даўлетбайлар ҳам ўз миннатдорчилигини билдирди ва дарслардан яхши ўқишга, бадиий китобларни мунтазам мутолаа қилишини билдириб ўтди.
Ислам Матеков.
Сайтимизнинг телеграмдаги каналига аъзо бўлинг: https://t.me/karinformuz
