«Стоянка»дағы шаң-шаң затларды сизлер де сатып алғансыз ба?

Фейсбук социаллық тармағының белсенди пайдаланыўшыларынан бири, журналист Ҳүрлиман Нуржанова базарлардағы унамсыз жағдайлардың бири бойынша өзиниң пикирин билдирип өтти. Оның постының мазмунына муўапық, базарлардағы зат сатыў қадаған етилген орынларда өзиниң жумысын алып барып атырған саўдагерлердиң ҳәрекетлери сынға алынды. Бундай орынларда, әсиресе, базардағы автомашиналар турар орнында сатылып атырған затларға шаңның түсиўи, ҳәр түрли микроблардың болыўы туўралы айтып өткен. Қызығы, бундай буйымларды халқымыз ҳеш қандай гүмансыз, сол шаң-тозаңды көре-биле тура сатып алып, балаларына алып барып береди. Бул базарлар бойынша жазылып атырған биринши пикир ямаса мақала емес. Соған қарамастан, ол жердеги жағдайлардың жақсыланыўы узақ ўақытқа созылмақта.

Сахибжамал Есемуратова