Елликқаладағы бақшада реконструкция жүргизип атырған жәмийет ағзаларының нызам бузыўшылық ҳәрекетлери анықланды

Мәжбүрий орынлаў бюросы Елликқала районлық бөлими тәрепинен райондағы «Наўайы» АПЖ аймағында жайласқан мектепке шекемги билимлендириў мәкемесинде реконструкция жумысларын алып барып атырған кәрхана тәрепинен электр энергиядан пайдаланыў тәртиплерине әмел етиў жағдайы үйренилгенинде, реконструкция объектиниң жоқары тәрепинен өтип турған электр энергиясы линиясына нызамсыз ҳәм тиккелей жалғанып, кепсерлеў жумысларын ислеп келгени анықланды ҳәм тийисли тәртипте рәсмийлестирилди.
Усы нызам бузыўшылық нәтийжесинде тәмийинлеўши кәрханаға 14 652 708 сум зыян жеткерилгени анықланды.
Өкинишли тәрепи, бул жәмийет тәрепинен 2018-жылы да усындай нызам бузыўшылық әмелге асырылып, жәмийет басшысы тийисли тәртипте жазаға тартылған еди. Бирақ, исбилермен буннан жуўмақ шығармаған екен.
Анықланған жағдай бойынша сорастырыў жумыслары алып барылмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz