«Жаслар күни» байрамында Нөкистеги 2 орында жаслар сейиллери өткериледи

Усы жылдың 30-июнь күни «Жаслар күни» байрамы мүнәсибети менен Өзбекстан жаслар аўқамы Қарақалпақстан Республикалық Кеңеси тәрепинен пайтахтымыздағы 2 орында – Жаслар орайы алдында ҳәм «Истиқлол» балалар дем алыў орайында жаслар сейиллери шөлкемлестириледи.
Сейиллер саат 10:00 ден 17:00 ге шекем даўам етеди.
Хош, жаслар сейиллери шеңберинде қандай илажлар әмелге асырылыўы белгиленген? Бул ҳаққында бүгин, 28-июнь күни Өзбекстан жаслар аўқамы Қарақалпақстан Республикалық Кеңесинде болып өткен баспасөз конференциясында атап өтилди.
Сейил шеңберинде китапқумарлық викториналары, китап ярмаркалары, жас дизайнерлердиң кийимлер көргизбеси, дүнья аяқ-ойынлары шоулары, жас художниклер ҳәм өнерментлер дөретпелериниң галереясы, жас дөретиўшилердиң саз-сәўбет кешелери болып өтеди.

Ислам Матеков.

Сайтымыздың телеграмдағы каналына ағза болың: https://t.me/karinformuz