Статистика: Қарақалпақстанға январь-июнь айларында сырт еллерден 9 мыңға шамалас турист келген

Өзбекстан Туризмди раўажландырыў бойынша мәмлекетлик комитетиниң Қарақалпақстан Республикалық аймақлық басқармасының мағлыўматларына қарағанда, 2019-жылдың январь-июнь айларында Қарақалпақстан Республикасына улыўма 90 мәмлекеттен 8945 турист келген. Бул ҳаққында New Muynak City каналы хабар берди.
Ең көп туристлер Россия Федерациясы (903 адам), Италия (780 адам), Франция (771 адам), Қытай (761 адам), Германия (599 адам) ҳәм АҚШ (545 адам) үлесине туўра келмекте.
Қызықлы тәрепи, 90 мәмлекет арасында Виргин атаўлары ҳәм Сейшель атаўлары сыяқлы жерлерден де бир туристтен елимизге сапар еткен.

Ислам Матеков.

Сайтымыздың телеграмдағы каналына ағза болың: https://t.me/karinformuz