![](\"http://img.uz/d/2019/07/5d297ebe2fa61.jpg\")
«Өзбекнефтьгаз» компаниясының басқарыў директоры Б.Сидиқов биринши мәрте Өзбекстанның газ экспорты бойынша мағлыўматларды келтирип өтти.
Оның сөзлерине қарағанда, Өзбекстан өткен жылы 13 миллиард кубометр газ экспорт еткен. 2019-жылы болса 15 миллиард кубометрден аслам газди жеткерип бериў бойынша шәртнамалар дүзилген.
Атап айтқанда, Қытайға 8 миллиард кубометр, Россияға 4,5 миллиард кубометр, Қазақстанның қубла аймақларына 2,5 миллиард кубометр, Орайлық Азияның басқа мәмлекетлерине 500-550 миллион кубометр газ экспорт етиледи.
Мағлыўматларға қарағанда, Өзбекстанда жылына улыўма 61 миллиард кубометр газ қазып алынбақта. Оның 35-40 миллиард кубометри «Өзбекнефтьгаз»диң үлесине туўра келеди.
Б.Сидиқовтың айтыўынша, алдынлары газ қазып алыў бойынша мағлыўматлар сыр сақланған.
Ислам Матеков.
Сайтымыздың телеграмдағы каналына ағза болың: https://t.me/karinformuz
