Усы жылдың 13-15-сентябрь күнлери Ҳиндстанның Нью-Дели қаласында самбо бойынша ересеклер, жаслар ҳәм жас өспиримлер арасында Азия чемпионаты болып өтти.
Оған Өзбекстан сайланды командасы қурамында қарақалпақстанлы Аман Ғаниев те қатнасты.
- 52 кг салмақ категориясы бойынша жарысқа қатнасқан жерлесимиз барлық қарсыласларына қарағанда күшли таярлыққа ийе екенлигин көрсетип, чемпионаттың алтын медалын қолға киргизди ҳәм Азия чемпионы болды.
Мағлыўмат ушын, самбо бойынша өткерилген Азия чемпионатында Өзбекстан сайланды командасы улыўма 40 медаль – 23 алтын, 11 гүмис ҳәм 6 бронза медалын қолға киргизип, улыўма командалық есапта 1-орынды ийеледи.
Ислам Матеков.
Сайтымыздың телеграмдағы каналына ағза болың: https://t.me/karinformuz
