Усы жылдыӊ 3-октябрь күни Бердақ атындағы Қарақалпақ мәмлекетлик университети мәденият сарайында «Стартап-басламалары» жаслардыӊ инновациялық идеялары ҳәм стартап жойбарларын қоллап-қуўатлаў бағдарламасының биринши басқышы өткерилди.
Жаслардыӊ интеллектуал ҳәм дөретиўшилик қәбилетин жүзеге шығарыў, имканиятларын және де арттырыў, олардыӊ инновациялық идеяларын ҳәм бизнес жойбарларын қоллап-қуўатлаў, раўажланырыў ҳәм тәмийинлеў мақсетинде Өзбекстан жаслар аўқамы Орайлық Кеӊеси, Өзбекстан Республикасы Бәнтлик ҳәм мийнет қатнасықлары министрлиги, Өзбекстан саўда-санаат палатасы ҳәм Дәстүрий тәмийинлеў өнимлери ҳәм информациялық технологиялар парки (IT-парк) менен биргеликте Бирлескен миллетлер шөлкеми раўажланыў бағдарламасының «Өзбекстанда жаслар бәнтлигине көмеклесиў» қоспа жойбарлары тийкарында әмелге асырылды.
Бағдарлама ҳаққында толық мағлыўматты, оның мақсет ҳәм ўазыйпалары, арза жибериў ҳәм қатнасыў тәртиби, таӊлаў шәртлери ҳәм бағдарламада қатнасыў шәртлери, сондай-ақ кеӊ көлемде қатнасыўшыларды тәмийинлеў мақсетинде үш тилде бағдарламаның веб-сайты http://startup.mehnat.uz ислеп шығылған. Буннан тысқары, https://t.me/startup_initiatives telegram каналы, https://www.facebook.com/startupuzb Facebook социаллық тармағы арқалы да мағлыўматларды алыўыңызға болады.
Еӊ жақсы жойбарлар, командалар бирге ислесиўши шөлкемлер ҳәм режедеги инвесторлар қатнасыўында өткерилетуғын жуўмақлаўшы илаж-«Demo day» өз жойбарларын усыныс етиў имканиятына ийе болады. Бағдарлама жуўмағы бойынша ең жақсы жойбарлар командалары жойбарларын әмелге асырыў ушын хошаметлеўши саўғалар ҳәм 50 миллион сўм мақсетли бийғәрез пул саўғасы бериледи.
Сахибжамал Есемуратова
