Мәмлекетлик статистика комитетиниң telegram каналында 4-октябрь күни берген мағлыўматларына муўапық, 1 кг мал гөшиниң минимал баҳасы Нөкис қаласындағы «Нөкис дийқан базары»нда екенлиги анықланған. Буннан тысқары, Ташкент қаласындағы «Фарҳад дийқан базары», Үргениш қаласындағы «Үргениш орайлық дийқан базары»нда да оның баҳасы 35 000 сўм екенлиги көрсетип өтилген. Өзбекстан бойынша максимал баҳалар болса, Ташкент қаласындағы «Фарҳад дийқан базары», «Олой дийқан базары», «Қойлық дийқан базары», «Мирабад дийқан базары»нда байқалған (55 000 сўм).
Сондай-ақ, елимиз бойынша қой гөшиниң минимал баҳасы да бақлаўлар нәтийжесине муўапық, Нөкис қаласындағы «Нөкис дийқан базары»нда (35 000 сўм) екенлиги айтып өтилген. Максимал баҳалар Ташкент қаласындағы «Олой дийқан базары»нда (60 000 сўм) екенлиги анықланған.
Сахибжамал Есемуратова
