Өзбекстан Республикасы Президентиниң 2017-жыл 23-май күнги ПҚ-2992-санлы Қарарына тийкарланып, Өзбекстан Республикасы бойынша ҳәр ҳәптениң үшинши күни «Өрт профилактикасы күни» ҳәм «Бес баслама, бес имканият» атамасындағы ҳәр қыйлы илажлар шөлкемлестирилди.
Илаж даўамында Қарақалпақстан Республикасы Өрт қәўипсизлиги Басқармасы Қоңырат районы өрт қәўипсизлиги бөлими, Өзбекстан Жаслар аўқамы Қоңырат районлық Кеңеси, Қоңырат районы Дене тәрбия ҳәм спорт бөлими сондай-ақ, Республикалық Руўхыйлық ҳәм ағартыўшылық орайы Қоңырат районлық бөлимлери менен биргеликте мектеп оқыўшылары арасында спорттың киши футбол жарысы өткерилди. Жарысты өткериўден мақсет район аймағында жүз берип атырған өртлердиң алдын алыў, пуқаралардың өз жасаў үйлеринде өрт қәўипсизлиги қағыйдаларына итибарлы болыўы, ҳәм де халық саламатлығы ҳәм дене тәрбиясын беккемлеў, жасларды спортқа қамтыў мақсетинде профилактикалық жумыслар алып барылды. Жарыс соңында белсене қатнасқан оқыўшылар шөлкемлестириўшилер тәрепинен сыйлықланды.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
