Қоңырат районы «Алмазар» мәкан пуқаралар жыйыны аймағында 25 орынға мөлшерленген шаңарақлық мәмлекетлик емес мектепке шекемги билимлендириў мәкемесиниң ашылыў мәресими болып өтти. Жеке тәртиптеги исбилермен Рустем Сарсенбаев тәрепинен ашылған шаңарақлық мәмлекетлик емес мектепке шекемги билимлендириў шөлкеминде балалардың тәлим-тәрбия алыўы ушын барлық шараятлар жаратылған. Буннан тысқары, бул балалар бақшасының ашылыўы усы аймақтағы 2 пуқараны турақлы жумыс пенен тәмийинлеп, аймақ турғынлары буннан қуўанып өз миннетдаршылығын билдирди.
Балалар бақшасы Өзбекстан Республикасы Министрлер Кабинетиниң 2018-жыл 30-июль күнги «Шаңарақлық мәмлекетлик емес мектепке шекемги билимлендириў мәкемелери ҳәмде шаңарақлық мәмлекетлик емес мектепке шекемги билимлендириў мәкемелери хызмети бойынша рухсатнама бериў тәртиби ҳаққындағы нызамларын тастыйықлаў ҳаққында»ғы 595-санлы қарары тийкарында шөлкемлестирилди.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
