Усы жылдың 17-19 октябрь күнлери аралығында Ташкент қаласында «Жанажан Өзбекстаным, мәңги бол аман!» сүрени астында Жоқары оқыў орынлары студент-жаслары арасында өткерилген «Студентлер фестивалы» болып өтти. Фестиваль шеңберинде өткерилген ҳәр түрли илажларда Әжинияз атындағы Нөкис мәмлекетлик педагогикалық институтының студентлери белсене қатнасып, сыйлы орынларды ийеледи. Атап айтқанда, «Туран» қуўнақлар ҳәм зийреклер командасы фестиваль кубогин қолға киргизген болса, институттың «Заковат» интеллектуал клубы ағзалары 2-орынды ийеледи.
Сондай-ақ, фестиваль даўамында «Жалғызсан сен, муқаддес ўатан!» республика көрик-таңлаўында сыйлы орынды қолға киргизген институттың талантлы жаслары өзлериниң концерт бағдарламалары менен белсене қатнасты.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
