2019-жылдың 17-октябрь күни саат 20:07де Төрткүл районы Ақбаслы АПЖда жасаўшы 1956-жылы туўылған К.Р.дың үйинде өрт келип шыққанлығы ҳаққында районлық өрт-қутқарыў хызметиниң «101» номерине хабар келип түскен.
Өрт-қутқарыў хызмети хызметкерлери ўақыя орнына жетип барған ўақытта, үйдеги көрпе-төсеклер (1 гилем, 2 көрпеше) ҳәм 4 кв.м пол тахта жанып кеткен. Өрт келип шыққан үйде жасаўшы спиртли ишимлик ишип мәс ҳалында уйқылап қалған 1963-жылы туўылған Р.Ж. Төрткүл районлық Өрт қәўипсизлиги бөлими 9-әскерийлестирилген өрт қәўипсизлиги бөлими баслығы орынбасары, капитан Ш.Палўанов тәрепинен қутқарып қалынды, деп хабар берди Қарақалпақстан Республикасы Өрт қәўипсизлиги басқармасы Мәлимлеме хызмети. Ҳәзирде өрттиң келип шығыў себеплери ҳәм келтирилген зыян анықланбақта.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
