Фото: O\'zA
Өзбекстан Илимлер академиясы академиги Ҳусниддин Ҳамидов 84 жасында дүньядан өтти.
Ҳусниддин Ҳамидов 1935-жылы 5-январьда Қарақалпақстан Республикасы Шымбай районында туўылған. Қарақалпақ педагогика институтында билим алған. 1967-жылы кандидатлық, 1991-жылы докторлық диссертациясын табыслы қорғаған. 2000-жылдан берли Өзбекстан Илимлер академиясының ағзасы етип сайланған.
«Қарақалпақ тили тарийхы очерклери», «Ески қарақалпақ тилиниң жазба естеликлери», «Бердақ қолжазбалары мийрасы» монографияларының авторы.
Илимпаздың дүньядан өтиў мүнәсибети менен Өзбекстан Республикасының Президенти ҳәм Ҳүкимет ағзалары кеўил билдирди. Биз де сайтымыз жәмәәти атынан илимпаздың шаңарақ ағзалары ҳәм жақынларына кеўил билдиремиз.
Сайтымыздың телеграмдағы каналына ағза болың: https://t.me/karinformuz
