Усы жылдың 28-август күни Өзбекстан Республикасы Президенти Администрациясы баслығы басшылығындағы 15-санлы мәжилиси баянламасы талапларының орынланылыўын тәмийинлеў мақсетинде «Шаңарақ-мәҳәлле-мектеп-жоқары оқыў орны» бирге ислесиў моделин әмелге асырыўшы исши топар дүзилген еди. Исши топар ағзалары болған профессор оқытыўшылар 21-ноябрь күни Қоңырат районындағы «Елабад» аўыл пуқаралар жыйыны аймағындағы 52-санлы ҳәм «Қырық қыз» аўыл пуқаралар жыйыны аймағындағы 31-мектеплеринде болды.
Олар оқыўшылар ушын жаратылған шараятлар менен танысты ҳәм мектеп оқыўшылары тәрепинен таярлаған концерт бағдарламасын тамаша етти. Илаж даўамында келген мийманлар жақсы, унамлы пикирлерин билдирди.
Сайтымыздың телеграмдағы каналына ағза болың: https://t.me/karinformuz
