Өзбекстанда биометриялық паспорт алмаған пуқаралар биометриялық емес паспортларын алмастырыў мүддети 2019-жылдың 31-декабрь күни етип белгиленген. Жаңа паспорт алыў ушын пуқаралар турақлы жасаў мәнзиллериндеги ИИБниң Миграция ҳәм пуқаралықты рәсмийлестириў хызметлериндеги мағлыўматларды жыйнаў пунктлерине зәрүрли ҳүжжетлер менен мүрәжат етиўи керек. Паспорттың әмел етиў мүддетиниң өткенлиги, жоғалғанлығы ямаса итибарсызлығы ақыбетинде жарамсыз ҳалға келип қалғанлығы ушын Өзбекстан Республикасы Административлик жуўапкершилик ҳаққындағы кодексиниң 223-статьясында белгиленген тәртипте жәрийма салыўға тийкар болады.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
