Нөкис қаласындағы мектеплердиң биринде муғаллим болып ислейтуғын Г.П. интернет тармағы арқалы «Марк Роберт» исимли адам менен танысып қалады. Бийтаныс адам оған АҚШта жайласқан абырайлы компанияға жумысқа киргизип бериўин айтып, исенимине киреди. Бул ҳаққында «Postda.uz» хабар берди.
Сада ҳәм исениўшең муғаллим июнь-август айлары даўамында ҳүжжетлер, виза, жолкирей ҳәм басқа «қәрежетлер» ушын улыўма 165 миллион 323 мың сум пулын халықаралық пул өткермелери арқалы Нигерия мәмлекетиндеги есап бетлерине өткерип жибереди. «Марк Роберт» болса усы күнге шекем берген «ўәде»син орынламаған.
Ҳәзирги ўақытта жынаятты әмелге асырған адамды анықлаў ҳәм услаў шаралары көрилген.
Жағдай бойынша жынаят иси ашылған.
Ислам Матеков.
Сайтымыздың телеграмдағы каналына ағза болың: https://t.me/karinformuz
