Бүгин, Нөкис қалалық ҳәкимлигиниң мәжилислер залында Өзбекстан жаслар аўқамы Нөкис қалалық Кеңесиниң шөлкемлестириў мәжилиси болып өтпекте. Бул ҳаққында Өзбекстан жаслар аўқамы ҚР Кеңеси мәлимлеме хызмети хабар берди.
Мәжилисте Өзбекстан жаслар аўқамы ҚР Кеңеси баслығы, сенатор А.Дәнияров ҳәм Нөкис қаласы ҳәкими П.Турешев ҳәм басланғыш шөлкемлердиң жетекшилери қатнаспақта.
Мәжилисте Өзбекстан жаслар аўқамы Нөкис қалалық Кеңеси баслығына Қуўанышбай Моятдиновтың кандидатурасы усыныс етилген.
Усыныс мақулланып, Қ.Моятдинов Өзбекстан жаслар аўқамы Нөкис қалалық Кеңеси баслығы лаўазымына сайланды.
Мағлыўмат ушын, Қ.Моятдинов усы күнге шекем Өзбекстан жаслар аўқамы Нөкис районлық Кеңеси баслығы лаўазымында ислеп келген.
Ислам Матеков.
Сайтымыздың телеграмдағы каналына ағза болың: https://t.me/karinformuz
