«Пенсиямды нақ пулда аламан. Дүканлардан зат сатып алғаннан соң қайтым береди. Кеселликтиң артып баратырғанына бул да себепши болып атырған жоқ па?» деген сораўға ӨзР Санитариялық-эпидемиологиялық қадағалаў мәмлекетлик инспекциясының баслығы Нурмат Отабеков төмендегише жуўап берди.
- Шыны менен де, нақ пулда коронавирус қоздырыўшысы узақ мүддет (4-5 күн) сақланып қалады. Бундай ўақытларда нақ пул менен ислесиўди кескин азайтыў керек.
Ҳәзир пластик карточкалар бойынша улыўма машқала жоқ. Демек, тек ғана айлық мийнет ҳақыларын емес, соның менен бирге пенсия пулларын да карточкаға түсириў керек. Пластик карточкада пайдаланылса кеселлик вирусының бир адамнан екиншисине өтиў мүмкиншилиги кескин азаяды.
Үй шараятында қолланғанда да имканы болғанша бир пластиктен пайдаланыў мақсетке муўапық. Пластик карточканы тазалап алыў аңсат.
Ислам Матеков.
Сайтымыздың телеграмдағы каналына ағза болың: https://t.me/karinformuz
