Рамазан айында нәзерде тутылған диний мәресимлер себепли карантин талаплары бузылыўының алдын алыў мақсетинде Өзбекстан мусылманлары басқармасы Уламалар кеңеси барлық мусылманларды төмендеги көрсетпелерге қатаң түрде әмел етиўге шақырады:
- Рамазан айында мөмин-мусылманларымыз таровиҳ намазларын, хатмы Қуранларды өз шаңарақ ағзалары менен үйлеринде өткерсин;
- Өзбекстан мусылманлары басқармасы системасында жумыс алып барып атырған қарыйлардың хатмы Қуранлары онлайн тәризде әмелге асырылыўы жолға қойылсын;
- Ифтарлық саўабынан үмитли болған қайырқом мусылманларымыз ифтарлық мәресимлери ушын арналған қаржыларын Қәўендерлик қайырқомлықларды муўапықластырыў орайлары арқалы материаллық жәрдемге мүтәж шаңарақларға жеткерсин;
- Барлық мусылманларымыз қоңсы-қоба ҳәм жақын ағайинлерин топлаған ҳалда ифтарлық шөлкемлестириўи карантин талапларына қайшы келиўи менен бирге Аллаҳ тааланың исбасыларға итәәт етиў ҳаққындағы Нисо сүреси: «Эй, ийман келтиргенлер! Аллаҳқа итәәт етиңиз, Пайғамбарға ҳәм өзлериңизден болған баслықларға итәәт етиңиз!..» 59-аятына туўра келмейтуғынлығын аңлаўы керек.
- Закәт қаржыларын және фитр ҳәм фидя садақаларын «Вақф» қайырқомлық жәмийетлик қоры ҳәм оның аймақлық бөлимлериниң есап бетлерине ямаса Қәўендерлик қайырқомлықларды муўапықластырыў орайларына тапсырыўы усыныс етиледи.
Бул ҳаққында Өзбекстан мусылманлары басқармасы Уламалар кеңесиниң Рамазан айын өткериў ҳаққындағы билдириўинде келтирип өтилген.
Ислам Матеков.
Сайтымыздың телеграмдағы каналына ағза болың: https://t.me/karinformuz
