Өзбекстанда коронавирус инфекциясына гүман етилип, карантинге алынған ямаса кеселликтен емленип, реабилитацияға өткерилген пуқаралардың шығыўы лабораториялық тексериўлердиң нәтийжесине байланыслы. Бул ҳаққында ӨзР ДСМ жанындағы Коронавирусқа қарсы гүресиў штабының ағзасы Ҳ.Оқилов мәлим етти.
- Наўқаслар орташа 10-15 күн, базыда аўыр жағдайларда бир ай даўамында саўалады. Саўалып кеткеннен соң және 14 күн даўамында реабилитациялық жумыслар алып барылады. Карантиннен шығарыў қағыйдаларына муўапық, 14 күнде лабораториялық тексериў нәтийжелери терис (отрицательный) болса, карантиндегилер шығарылады, егер лабораториялық тексериў нәтийжелери оң (положительный) болса, карантин даўам етеди. Вирустан толық емленбеген адам карантиннен шығарылыўы мүмкин емес, - деди Ҳ.Оқилов.
Ислам Матеков.
Сайтымыздың телеграмдағы каналына ағза болың: https://t.me/karinformuz
