Республикалық арнаўлы комиссияның қарарына муўапық:
- мәмлекетлик мектепке шекемги билимлендириў шөлкемлериниң тәрбияланыўшыларын қабыл етиўге пуқта таярлаў, атап айтқанда, санитариялық-гигиеналық қағыйдалар ҳәм қәўипсизлик илажларын толық тәмийинлеў мақсетинде олардың жумысларына усы жылдың 1-август күнинен баслап рухсат бериледи.
Бунда:
- мәмлекетлик мектепке шекемги билимлендириў шөлкемлериниң имаратлары турақлы түрде дезинфекцияланады, оларға кирип-шығыў орынлары пирометрлер, антисептик затлар ҳәм дезинфекциялық «төсеклер» менен тәмийинленеди;
- хызметкерлер медициналық нықап ҳәм медициналық қолғаптан пайдаланады ҳәм социаллық аралықты сақлайды;
- дене температурасы 37˚С ҳәм оннан жоқары болған ямаса инфекциялық белгилери болған хызметкер ҳәм тәрбияланыўшылар шынығыўларға киргизилмейди.
Соның менен бирге, 2020-жыл 15-июньнан баслап «жасыл» ҳәм «сары» аймақларда мәмлекетлик емес мектепке шекемги билимлендириў шөлкемлериниң жумысларына рухсат берилген болып, бунда мектепке шекемги билимлендириў шөлкемлеринде шынығыўларды 15 адамнан көп болмаған топарларда шөлкемлестириў ҳаққындағы шеклеў бийкар етилди.
Бунда мәмлекетлик емес мектепке шекемги билимлендириў шөлкемлеринде тәрбияланыўшылар арасында коронавирус инфекциясы тарқалыўының алдын алыўға бағдарланған карантин шеклеўлерине қатаң түрде әмел етилиўи бойынша жуўапкершилик мектепке шекемги билимлендириў шөлкеминиң администрациясы және тәрбияланыўшылардың ата-аналары ямаса олардың орнын басатуғын адамлардың жуўапкершилигине бирдей жүкленеди.
Ислам Матеков.
Сайтымыздың телеграмдағы каналына ағза болың: https://t.me/karinformuz
