Мәмлекетлик комиссияның 2020-жыл 12-ноябрьдеги жыйналыс қарарына муўапық, барлық жоқары оқыў орынларында усы жылдың 16-ноябринен жоқары оқыў орны тәрепинен ислеп шығылған илажлар жобасы ҳәм жоба-график тийкарында оқыў процесин дәстүрий тәризде даўам еттириў белгиленди. Бул ҳаққында Жоқары ҳәм орта арнаўлы билимлендириў министрлиги хабар берди.
Яғный, ҳәр бир жоқары оқыў орны дәстүрий оқыўды баслаў бойынша арнаўлы график ислеп шығады ҳәм усы тийкарда дәстүрий оқыўды баслайды. Сонлықтан, студентлер тийисли жоқары оқыў орынларының рәсмий веб-сайтлары ҳәм социаллық тармақлардағы каналларын бақлап барыўы мақсетке муўапық болады.
Сондай-ақ, Мәмлекетлик комиссияның 7-санлы протоколы қарарына муўапық, оқыўға төлемли контракт тийкарында усыныс етилген абитуриентлер және оқыўын көширген (тиклеген) студентлер ушын контракт төлемлерин төлеў мүддети 1-декабрьге шекем узайтылды.
Ислам Матеков.
Сайтымыздың телеграмдағы каналына ағза болың: https://t.me/karinformuz
