Өзбекстан Республикасы Экология ҳәм қоршаған орталықты қорғаў бойынша мәмлекетлик комитети Өзбекстан Журналистлери дөретиўшилик аўқамы менен биргеликте «Экология темасына байланыслы ең жақсы мақалалар» таңлаўын жәриялаған еди.
«Янги Ўзбекистон» газетасының хабар бериўинше, ӨзАның Қарақалпақстан Республикасы бойынша хабаршысы Есимқан Қанаатов усы таңлаўда 2-орынды ийеледи ҳәм планшет пенен сыйлықланды.
Таңлаўға 2019-жылдың 31-августынан 2020-жылдың 30-ноябрине шекемги газета ҳәм журналларда басып шығарылған, ҒХҚ сыпатында тийисли тәртипте дизимге алынған интернет сайтларында жәрияланған материаллар 2020-жылдың 20-ноябрине шекем қабыл етилди ҳәм тәжирийбели төрешилер қурамы тәрепинен көрип шығылып, жеңимпазлар анықланды.
Ислам Матеков.
Сайтымыздың телеграмдағы каналына ағза болың: https://t.me/karinformuz
