ӨзР Ишки ислер министрлиги бирлескен редакциясының хабар бериўинше, Хожели районында бир пуқара суўық урыўы ақыбетинде қайтыс болған.
Мәлим етилиўинше, усы жылдың 6-декабрь күни бийдәрек жоғалғаны ушын излеўге берилген Хожели районы «Сарышүнгил» аўыл пуқаралар жыйыны аймағында жасаған, 1991-жылы туўылған Н.Р.дың сыртқы көринисинен жарақатсыз өли денеси «Қулаб» аўыл пуқаралар жыйыны аймағынан табылған.
Өткерилген суд-медициналық экспертизасының дәслепки жуўмақларына муўапық, ол денениң улыўмалық суўық урыўынан қайтыс болғаны анықланған.
Ҳәзирги ўақытта бул бойынша сорастырыў ҳәрекетлери алып барылмақта.
Ислам Матеков.
Сайтымыздың телеграмдағы каналына ағза болың: https://t.me/karinformuz
