ТАТУ Нөкис филиалы ҚҲЗ жеңимпазы болды

Алдын хабар бергенимиздей, 24-апрель күни Бердақ атындағы Қарақалпақ мәмлекетлик академиялық музыкалы театрында «Қуўнақлар ҳәм зийреклер» таңлаўының Қарақалпақстан Республикалық басқышы өткерилип, онда Әжинияз атындағы НМПИдиң «Туран» командасынан тысқары барлық жоқары оқыў орынларының командалары қатнасты.

Таңлаў сәлемнама, сораў-жуўап ҳәм музыкалы бөлим сыяқлы шәртлер тийкарында болып өтти. Онда Ташкент информациялық технологиялар университети Нөкис филиалының командасы 1-орынды, Бердақ атындағы Қарақалпақ мәмлекетлик университети командасы 2-орынды, Ташкент мәмлекетлик мәденият ҳәм көркем өнер институты Нөкис филиалының командасы 3-орынды жеңип алды. 1- ҳәм 2-орынды қолға киргизген командалар кейинги аймақлық беллесиўлерге жоллама алды.

Ислам Матеков.