Қарақалпақстан Республикасы Жоқарғы Кеңесиниң он жетинши сессиясында «Қарақалпақстан Республикасы суды баслығының орынбасарларын сайлаў туўралы» мәселе көрип шығылды. Бул ҳаққында ҚР Жоқарғы Кеңеси баспасөз хызмети хабар берди.
Қарақалпақстан Республикасы Конституциясы ҳәм «Судлар ҳаққында»ғы Өзбекстан Республикасы Нызамы талапларына муўапық, Адилов Абылай Агитаевичти Қарақалпақстан Республикасы суды баслығының жынаят ислери бойынша орынбасары, Тарихов Камал Максетбаевичти Қарақалпақстан Республикасы суды баслығының пуқаралық ислери бойынша орынбасары етип сайлаў ҳаққындағы Қарақалпақстан Республикасы Жоқарғы Кеңеси Баслығының усыныснамасы депутатлардың итибарына усынылды.
Бул мәселе бойынша депутатлар тийисли қарар қабыл етти.
Сайтымыздың телеграмдағы каналына ағза болың: https://t.me/karinformuz
