Тақыятас районында жасаўшы Сапарғали Шерапов ҳәм Гульбахар Джумаевалар шаңарағында үш егизек дүньяға келди. Бул ҳаққында Мәмлекетлик хызметлер агентлиги ҚР басқармасы хабар берди.
Дүньяға келген егизеклерге Имран, Сумайя, Равиля деп ат қойылды.
Тақыятас районы «Орайлық» МПЖда жасаўшы бул шаңарақ егизеклер туўылыўы менен бес перзентли болды.
Мәмлекетлик хызметлер агентлиги Қарақалпақстан Республикасы басқармасы Тақыятас районлық ПҲАЖ бөлими хызметкерлери тәрепинен туўылғанлық ҳаққындағы гүўалықлар салтанатлы түрде туўыў үйине барып тапсырылды ҳәм басқарма тәрепинен саўғалар берилди.
Сайтымыздың телеграмдағы каналына ағза болың: https://t.me/karinformuz
