Telegram karinform

Сиясат

  • 11.09.2021 17:54
  • 1248

Участкалық сайлаў комиссияларының қурамы тастыйықланды

Участкалық сайлаў комиссияларының қурамы тастыйықланды
Усы жылдың 11-сентябрь күни 1-Қарақалпақстан округлик сайлаў комиссиясының гезектеги мәжилиси болып өтти. Онда Өзбекстан Республикасы Президенти сайлаўын өткериўши участкалық сайлаў комиссияларының қурамын тастыйықлаў мәселеси көрип шығылды ҳәм сайлаўды өткериў бойынша календарьлық жобаға муўапық әмелге асырылатуғын жумыслар додаланды.

Мәжилиске округлик сайлаў комиссиясының ағзалары, ғалаба хабар қураллары ўәкиллери ҳәм баспасөз орайы хызметкерлери қатнасты.

Илажды 1-Қарақалпақстан округлик сайлаў комиссиясының баслығы Улықбек Жалменов басқарып барды.
Участкалық сайлаў комиссияларының қурамы тастыйықланды
Өзбекстан Республикасы Сайлаў кодексиниң 23-статьясына муўапық, участкалық сайлаў комиссиясы округлик сайлаў комиссиясы тәрепинен сайлаўға кеминде қырқ күн қалғанында бес-он тоғыз адамлық ағзадан, соның ишинде, баслық, баслық орынбасары ҳәм хаткерден ибарат қурамда дүзиледи. Участкалық сайлаў комиссиясы ағзалығына талабанлар пуқаралардың өзин-өзи басқарыў уйымлары, жәмийетлик бирлеспелер, кәрханалар, мәкемелер ҳәм шөлкемлер тәрепинен усыныс етилип, усы талабанлар халық депутатлары районлық, қалалық Кеңеслериниң сессияларында додаланады және тийисли округлик сайлаў комиссиясына тастыйықлаў ушын усыныс етиледи.

Атап өтилгениндей, Өзбекстан Республикасы Президенти сайлаўын өткериўши участкалық сайлаў комиссиялары ағзалығына талабанлар халық депутатлары Нөкис қалалық ҳәм барлық районлық Кеңеслериниң тийисли сессияларында додаланып, тастыйықлаў ушын 1-Қарақалпақстан округлик сайлаў комиссиясына усыныс етилди.

Мәжилисте халық депутатлары районлық ҳәм қалалық Кеңеслери тәрепинен участкалық сайлаў комиссиялары ағзалығына усыныс етилген талабанлар 1-Қарақалпақстан округлик сайлаў комиссиясының тийисли қарары менен тастыйықланды.
Участкалық сайлаў комиссияларының қурамы тастыйықланды
Мәжилис күн тәртибине муўапық, участкалық сайлаў комиссиялары қурамы, жайласқан мәнзили ҳәм олардың телефон номерлери көрсетилген мағлыўматларды жергиликли баспасөзде жәриялаў, сондай-ақ, тийисли қарарды Өзбекстан Республикасы Орайлық сайлаў комиссиясына жибериў бойынша көрсетпелер берилди.

Журналистлер ушын брифинг өткерилди
Участкалық сайлаў комиссияларының қурамы тастыйықланды
Бүгин, яғный 11-сентябрь күни 1-Қарақалпақстан сайлаў округиниң Баспасөз орайында ғалаба хабар қураллары ўәкиллери, журналистлер ушын брифинг өткерилди.

Брифингде 1-Қарақалпақстан округлик сайлаў комиссиясының баслығы У.Жалменов ҳәм округлик сайлаў комиссиясы баспасөз орайының баслығы Қ.Байниязов усы жылдың 24-октябрь күни болып өтетуғын Өзбекстан Республикасы Президенти сайлаўына таярлықлар барысы, участкалық сайлаў комиссияларының ўазыйпалары ҳәм әмелге асырылатуғын жумыслар бойынша мағлыўматлар берди.
Участкалық сайлаў комиссияларының қурамы тастыйықланды
Атап өтилгениндей, Қарақалпақстан Республикасы бойынша 656 сайлаў участкасының баслығы ҳәм олардың 8 мың 386 ағзасы тастыйықланды. Комиссия ағзалығына тастыйықланғанлардың 4 мың 458 и (53,16 проценти) алдынғы сайлаў процесслеринде қатнасқан тәжирийбели хызметкерлер болып есапланады. 3 мың 928 и (46,84 проценти) болса, биринши мәрте усындай процесслерде қатнаспақта.

Участкалық сайлаў комиссиясы ағзаларының 5 мың 893 и (70,27 проценти) жоқары мағлыўматлы, 2 192 си (26,14 проценти) орта мағлыўматқа ийе қәнигелер болып табылады. Сайлаў участкаларының ағзалары тийкарынан ҳуқықтаныўшы, шыпакер, педагог, экономист, инженер, журналист ҳәм сол сыяқлы басқа тараў ўәкиллери саналады. Усы сиясий процесслерде 21 жастан 30 жасқа шекемги болған 1 мың 453 (17,33 процент) жас участкалық сайлаў комиссиясы ағзалығына тастыйықланған. Комиссия ағзаларының 3 мың 750 и (44,72 проценти) ҳаял-қызлардан ибарат.
Участкалық сайлаў комиссияларының қурамы тастыйықланды
Брифингде журналистлердиң сиясий процесслерди сәўлелендириўге байланыслы сораўларға толық жуўап берилди ҳәм сайлаўға таярлық процесслерин белсенди сәўлелендириў усыныс етилди.

1-Қарақалпақстан округлик сайлаў комиссиясының Баспасөз орайы.

Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Президент пәрманы менен 488 шахс әпиў етилди

Президент пәрманы менен 488 шахс әпиў етилди

Уқсас жаңалықлар

Өзлестириў көрсеткишине қарап студентлерге грантларды қайта бөлистириў тәртиби тастыйықланды

Өзлестириў көрсеткишине қарап студентлерге грантларды қайта бөлистириў тәртиби тастыйықланды

    Ҳүкимет қарары менен Жоқары билимлендириў шөлкемлеринде студентлерге грантларды бериў ҳәм қайта бөлистириў тәртиби ҳаққындағы реже

Самолёттың қайсы бөлеги қәўипсизрек?

Самолёттың қайсы бөлеги қәўипсизрек?

    Қәнигелердиң пикиринше, борттағы ең қәўипсиз жер самолёттың артқы тәрепиниң үштен бир бөлеги. АҚШ Пуқаралық Авиация

Ири базарларда жәмийетлик тәртипти сақлаў бойынша нызам тастыйықланды

Ири базарларда жәмийетлик тәртипти сақлаў бойынша нызам тастыйықланды

    Ҳүкимет қарары менен ири базарларда жәмийетлик тәртипти сақлаў ҳәм өрт қәўипсизлигин тәмийинлеў системасын раўажландырыў бойынша