Бирлескен Миллетлер Шөлкеми тәрепинен исленген жаңа видеоролик көпшиликти таң қалдырды. Компьютер графикасы жәрдеминде исленген видеода динозавр Нью-Йорктағы БМШ Бас Ассамблеясы залына бастырып киреди ҳәм минберден турып дипломатларға глобаллық ысыў машқаласы ҳаққында сөз етеди.
- Қырылып кетиў – жаман. Не болса да бизде астероид бар еди, бирақ сизиң себеп ететуғын бәнеңиз қандай? – дейди Френки лақаплы динозавр. – Сизлер климатлық апатшылыққа қарай баратырсыз. Соған қарамастан, ҳәр жылы ҳүкиметлер жанармай қазып алыў ушын субсидияларға жүзлеген миллиардлап мәмлекетлик қаржыларды сарплайды. Бул муғдар планетамыздың барлық адамлары ушын коронавирус вакцинасын сатып алыў ямаса кәмбағаллықты толық сапластырыў ушын жеткиликли болар еди. Барлық тиришиликтиң жоқ болып кетиўин жақынластырыўдың орнына оларға жәрдем берген жақсырақ емес пе?
Мағлыўмат орнында атап өтиў керек, Френки лақаплы динозавр видеосы БМШтың климатлық өзгерислерге арналған жаңа «Қырылып кетиўге разы болма» кампаниясының бир бөлеги болып табылады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
