Ҳәзирги ўақытта Өзбекстанның барлық аймақларында ҳәким жәрдемшилери сайлап алынған болып, олар 2022-жылдың 1-январынан баслап мәкан пуқаралар жыйынларында жумыс баслайды.
Мәлим болыўынша, ҳәким жәрдемшилериниң айлық мийнет ҳақы муғдары олар бириктирилген мәкан пуқаралар жыйынларындағы шаңарақлардың санына сәйкес түрде белгиленеди:
- шаңарақлар саны 500 ге шекемги болған мәкан пуқаралар жыйынында – 4 миллион 932 мың сум;
- шаңарақлар саны 501 ден 1000 ға шекемги болған мәкан пуқаралар жыйынында – 5 миллион 343 мың сум;
- шаңарақлар саны 1000 нан аслам болған мәкан пуқаралар жыйынында – 5 миллион 754 мың сум.
Ҳәким жәрдемшилерине төленетуғын орташа айлық мийнет ҳақы муғдары талабанның усы лаўазымға жумысқа қабыл етилгенге шекемги алдынғы жумыс орны бойынша орташа айлық мийнет ҳақы муғдарынан кем болған жағдайда жетиспеген бөлеги Ҳәким жәрдемшилериниң жумысларын қоллап-қуўатлаў қоры есабынан компенсацияланып барылады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
