Түрли жылларда дүньяға келген адамлар өз дәўирине қарай ҳәр қыйлы аталады. Бул ҳаққында «Xpress» басылымы мәлим етти.
Уллы әўлад (1901-1927-жж) – усы дәўирде туўылғанлар еки жер жүзилик урысын бастан өткерген.
Тыныш әўлад (1928-1945-жж) – бул дәўир аралығында туўылыў саны аз болған. Сонлықтан да, олар тыныш әўлад деп аталады.
«Baby bumers» (1946-1964-жж) – Инглис тилиндеги «boom» сөзи «үлкен өсиў дәўири» деген мәнисти аңлатады. Бул дәўирде көплеген нәрестелер дүньяға келген.
«X» әўлад (1965-1980-жж) – бул әўладқа оғада талапшаңлық, мийнет етиў өзгешелиги тән.
«Y» әўлад (1981-1995-жж) – технологияларға берилген ҳәм социаллық тармақларды жаратқан әўлад;
«Z» әўлад (1996-2015-жж) – бул әўлад өз ата-бабаларына қарағанда интеллекти жоқары деп есапланады. Олардың көпшилиги 11 жасқа толмастан өз смартфонына ийе болған ҳәм болмақта.
Альфа әўлад – 2024-жылға шекем туўылатуғынлар. Олардан кейин туўылатуғынлар болса Бетта, Гамма ҳәм Дельта әўладлар деп аталады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
