Өзбекстанда 2022-2023-оқыў жылынан баслап мектеп оқыўшыларын баҳалаў системасы қайта көрип шығылады. Бул ҳаққында Республикалық билимлендириў орайының баспасөз хаткери Моҳира Нуруллаеваға тийкарланып Қарақалпақстан хабар агентлиги хабар берди.
Атап өтилиўинше, миллий оқыў бағдарламасына муўапық 1- ҳәм 2-класс оқыўшылары ушын үйге тапсырмаларының алып тасланғанлығы себепли үйге тапсырмалардың баҳалары бийкар етилмекте. Шеректеги жуўмақлаўшы баҳалар ағымдағы баҳаларға, жыллық баҳалар болса шереклердеги баҳаларға байланыслы болмайды.
Оқыўшылар тапсырмаларды жақсы баҳаға орынламағанша, оларға баҳа бермеў усыныс етиледи, делинеди хабарда.
Атап өтилиўинше, питкериўши класслар ушын кәсиплик талаплардың орынланыў дәрежесине қарап баҳалаў системасы енгизиледи.
Сайтымыздың телеграмдағы каналына ағза болың: https://t.me/karinformuz
