Усы жылдың 23-февраль күни Арал тәбиятты қорғаў прокуратурасы, Беруний районлық ИИБ ҳәм Төменги Әмиўдәрья мәмлекетлик биосфералық резерваты хызметкерлери менен биргеликте өткерилген қадағалаў илажлары нәтийжесинде Беруний районында жасайтуғын пуқаралар Ш.А. ҳәм М.К. алдын ала жынайы тил бириктирип, мәмлекетлик белгиси болмаған қызыл реңли тиркемели «ИЖ» маркалы мотоцикл менен пуқара Ш.А.ға тийисли рухсатнамасы болмаған «ТОЗ» маркалы 2х16 калибрли аң аўлаў қуралы жәрдеминде Беруний районы «Байбазар» АПЖ аймағында жайласқан ишки асфальт жолы бойында Өзбекстан Республикасының «Қызыл китабы»на киргизилген 1 бас Бухара суўынын нызамға қайшы тәризде аўлап, набыт еткенлиги ақыбетинде Өзбекстан Республикасы ҳайўанат дүньясына 40 500 000 сумлық көп муғдардағы материаллық зыян жеткерген.
Прокуратура баспасөз хызметиниң хабар бериўинше, усы жағдай бойынша Арал тәбиятты қорғаў прокуратурасы тәрепинен усы жылдың 28-февраль сәнесинде Өзбекстан Республикасы Жынаят кодексиниң 202-статьясы 3-бөлими «ж» бәнти ҳәм 248-статьясы 1-бөлими менен жынаят иси ашылды.
Ҳәзирги ўақытта жынаят иси бойынша тергеў ҳәрекетлери алып барылмақта.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
